注：呢篇嘢系写俾自己睇嘅。
又到7月。
诚然，这12个月系最曲折嘅12个月。其中有喜，有悲，有成，有败，酸甜苦辣样样有齐。不过谂番其实都唔算好难过，虽然个调一直都比较灰，但个天一直都冇让我孤独过，即使系最失意嘅时候，天都算待我不薄了。时不时回味下呢一段历史会好有睇古仔嘅感受。当然，前提系我已经超然。
六一是儿童节可能唔系一个偶然，至少我呢个大细路系六一揾番一颗丢失已久嘅童心。可能唔系丢失咗嘅，只系搁置咗太耐封晒尘，所以唔觉得佢存在啫。
六月嘅天时晴时雨。难得心里边还总是艳阳高照，依家除咗胃口之外一切都已经恢复正常。
感觉好似大个咗好多。好多曾经认为至关重要嘅嘢依家都可以一笑置之；好多好严肃嘅谂法依家却变得好天真。当然可能系因为事过境迁，不过点都好，放得低就系好事。呢D叫做“无所谓者无畏”……讲笑嘅，应该系“无欲则刚”。
不过唔知系咪同某条可怜嘅鲨鱼感觉相通，我个胆似乎越嚟越细啦，搞到虽然似乎有一个好好嘅机遇，但我却一直徘徊。
上年10月份某君就劝过我要独立一D，而我直到依家都仲系好依赖人。其实唔一定唔好，不过将所有鸡蛋都放系一个篮里边嘅做法实在太愚蠢，姑且不论咁样风险会唔会更大，至少咁样好可能会搞到个篮不堪重负。帮自己制定咗两条“说一不二”嘅原则，保证自己不再犯同类错误。
休整咗一年，依家系时候继续向前走啦。摸住石头过河，摸到先好过，唔好羡慕淌水的人，佢哋识游水，一脚踩空最多亦不过系一身湿。
今日系7月4号，帮自己做咗一个小结。如无意外下一次小结会系8月31号，今次一定要俾自己一个满意嘅答案。
立此存照。
posted on 2006-07-04 10:19
踏雪赤兔 阅读(373)
评论(4) 编辑 收藏 引用 所属分类:
岁月如歌