禽日，个女唔听话，于是大发脾气，仲一手拍落只鼠标上。结果，个女收声，只鼠标“四分五裂”。
我都知系我唔好，唔好再闹啦，以后唔敢啦，...
事情已经发生左，就要收拾残局。先搞掂个女再算...好易0者，一只毛公仔就得啦...
搞掂左个女，睇吓只鼠标点先。因为我只鼠标系无线既，所以会“四分五裂”。砌0番好矩，可以正常郁到，似乎无咩事。但系一郁到只辘，毙，出事，无反应。
拆开来睇，原来系个辘既其中一边轴断左，所以转唔到，亦襟唔到。
老婆问“点呀，死老鼠呀，买过只啰，几十蚊0者”
唔得，自己做错左，自己搞0番掂矩，唔系几十蚊既问题，系要负责既问题。
讲系0甘讲，但系点搞先。
左睇左睇，又拆开2只旧鼠标，睇吓可唔可以换到上去。结果发现，3只鼠标既辘同结构基本一样，但系大细、质料、轴长度等都完全唔一样，用唔到。
再细心D睇，用502将断左部份接返上去得唔到呀？试吓咯。
好似得，唔上螺丝试过无问题，0甘就装返上去啦。
都未上好螺丝，只手就感觉到有D轻微既振动。心知不妙，郁吓个辘，又好似之前0甘，应该又断左。无计，再打开，睇吓仲可以点搞。
再详细睇吓个结构，发现其实真系有得搞。个辘系两边都有轴，其中一边幼D，插入只传感器度，而另一边只系负责“襟”个制。换一支轴实净D既轴咪得啰。
四围睇吓屋企里面有咩可以代替支轴。结果发现1）竹牙签 2）耳挖个柄（金属）。
试下将呢两样野插入个传感器，大细适合。但耳挖柄系金属，太滑，带唔郁个传感器。而竹牙签最粗既部份就非常适合。
有适合既材料，就要郁手啦。
而家问题系点样砧个洞？手头上无砧，亦无0甘幼既螺丝。
系老婆既针线盒发现左把锥，似乎系用来勾衫用既。又发现左只比较粗既针，大概比目标洞既直径幼少少。
OK，唔理0甘多啦，试吓先。
先用把锥做一个小洞，唔够大（预左啦），再将支针烧红，插入去，得左，穿左个洞啦。
试试插支竹牙签入去，唔得，太细。
试左好耐，都唔可以再搞大D个洞。
把心一横，烧红支耳挖个柄，插入去，哈哈哈哈...得左，可以插得入支牙签啦。
装返好哂只鼠标，又系一只好鼠...
原来老婆D架生至系最好用既，...系啦系啦，下次唔搞你既野啦，只不过系一支针同一支耳挖0者，唔使0甘呀，下次唔搞啦，得未呀...