因为想个6000EV负责更多既任务（例如更多既DHCP内容），于是DOWN左个新版frimware，谂住update D点都有好处。结果，不但未见好处，矩仲话要摆工！！！
情况系：ping唔通，telnet同http都无返应，power同pc灯长着，status闪。由灯睇来，应该系正常既，有power，所以power着。有网线，所以pc灯着，status闪，系因为我要上网查资料，所以无插电话线。ping唔通，即系...坏左...（费话）。
无计，上网查。查到一遍用com口连过去修改既文章。照做，但原来好多呢方面既野我都无（设备，经验）。
首先，要有一个COM口线。几经辛苦至系“多年积蓄”里面找到，原来我都好多年无搞过个COM口啦。
第二个问题，我无可以连COM口既WINDOWS机（因为原文系用HYPER TERMINAL）。我部主机系LINUX，平时用既系NOTEBOOK。NOTEBOOK上无COM/PRN。主机有，但系原来我从来未系LINUX下用过COM口程序！！！什至连LINUX下COM口叫咩都未知！！！
OK，又上网查。终于查到可以用minicom。又要花一段时间学用minicom啦:(
一边睇man page，一边连。但系因为太多不定因素（个COM口有无坏？而家插既系COM1定COM2？条线有无接错？个ADSL究竟仲有无反应？）
经多次完全无反应，有返应但不知所云，到有反应而且仲系正常人睇得明既文字（终于由原始社会进入文明社会），终于放下心头大石...既一半。
入到去个菜单，同平时无咩大分别。但系如果退出去个CONSOLE度，就会发现原来个PROMPT原本系IP地址，但而家就变左MAC地址。呢个就系成件事既问题所在！！！
网上既资料话用tftp down过个image过来。但系我连IP都无，点DOWN？
无计，玩一埔大细。退返出去用户菜单，system maintanence/factory default，GO。
等左10零秒，又见返个菜单。再退出去console，终于见到熟悉既192.168.1.1。呢一刻既心情...真系唔识形容。
OK，应该可以收工啦，最起码其它既野唔使系呢度搞。
退出minicom。突然谂起，不如记低个minicom既设置，下次唔使再搞多次啦。再入过minicom。
出事，又好似之前0甘连唔到！！！
网上既资料话，用COM口连，用38400N81呢个参数就得，但我发现系我呢种情况，系9600N81。可能系出厂值同默认值系唔一样既。呢样要再试清楚。
唔理0甘多啦，接返网线，睇吓ping唔ping得通再讲啦。
ping唔通！！！D汗水好似卡通片既主角0甘，大滴大滴向下流`_`！
要冷静，要冷静，急系解决唔到任何问题既，深呼吸，再深呼吸。
又一次证实处事要冷静呢个系千古不变既定律。个ADSL既默认IP同个内网既IP系两个唔同网段里面架，点可能ping得通！！